Baserri Antzokiaren proiektua Txorierriko Mankomunidadean
Zabala eta plurala
Baserri Antzokiaren proiektua aurrera eroateko, komisino bat eratu zan TOTOANen barruan eta egitasmoa Txorierriko Mankomunidadeari aurkeztu eutsien. Mankomunidadeak begi onez hartu dau proiektua hasiera-hasieratik eta prest azaldu da alkarteari laguntzea eta babesa emoteko. Hausnarketa luze baten ondorioz, Baserri Antzokia Fundazinoa sortzea erabagi zan. “Formula hau aukeratu genduan, abantaila handiak dakarzalako: ekimen pribaduak, publikoak eta enpresetakoak buztartu daitekez eta gure helburu nagusia dana –euskerea eta euskal kultura bultzatzea- bermatu eta blindau egiten dau, batzuk aitatzearren”. Fundazinoaren patronatua TOTOANEk eta Mankomunidadeak osatzen dabe, baina aukerea be badago han enpresen ordezkari bi sartzeko. “Patronatu egitura honek bermatu egiten ditu guztien parte-hartzea, egituraren zabaltasuna eta pluraltasuna, kontuen gardentasuna eta helburuekiko atxikimendua”.
